நகுலன் கவிதைகள்

எனக்கு யாருமில்லை

நான்

கூட...

-------------------------

 நினைவு ஊர்ந்து செல்கிறது

பார்க்கப் பயமாக இருக்கிறது

பார்க்காமல் இருக்கவும்

முடியவில்லை

-------------------------

 நான் இறந்த பின்

யாரும் எனக்கு விழா எடுக்க வேண்டாம்,

என்னால் கலந்துகொள்ள முடியாது

-------------------------

 மனம் நினைவுகூரும்

அந்த முள் பிசகாத நிமிஷத்தில் கவிதை பிறக்கிறது.

இது சிருஷ்டி ரகசியம்!

-------------------------

 மனதின்  எந்த கதவு  எப்போது  திறக்கும்,

என யாருக்கு தெரியும்?

-------------------------

 என்னைப் பார்க்க வந்தவர்

தன்னைப் பார்

எனச் சொல்லிச் சென்றார்!

-------------------------

 வேலைக்குத் தகுந்த வேஷம்

ஆளுக்கேற்ற அபிநயம்

இதுதான் வாழ்வென்றால்

சாவதே சாலச் சிறப்பு

-------------------------

 சிலர்

வந்ததும்

வந்து

சென்ற

பிறகும்

சூன்யமாகவே

மிஞ்சுகிறார்கள்.

-------------------------

 அலைகளைச் சொல்லிப் பிரயோஜனமில்லை

கடல் இருக்கிற வரை.

-------------------------

 இருப்பதற்கென்றுதான்

வருகிறோம்

இல்லாமற்

போகிறோம்

-------------------------

மீண்டும் ஓஷோ

பயம் எங்கு முடிகிறதோ,  அங்கு வாழ்க்கை ஆரம்பம் ஆகிறது... 

-------------------------

 அதிக பட்ச நெருக்கடிகளை அனுமதியுங்கள், அதுவே ஆழ்ந்த அமைதி என்றால் என்னவென்றும் சொல்லி தர கூடும்

-------------------------

 எதற்கும் பயன்படாத எதிர்காலம் பற்றிய கவலைகளை தூக்கி தூர வீசி விட்டு, இப்போது அழகான நிமிடங்களை உருவாக்கி வாழுங்கள்

-------------------------

 எப்போது வேண்டுமானாலும், எதுவும் நிகழலாம் என்ற ஆச்சர்யத்தை மறைத்து வைத்திருக்கிறது வாழ்க்கை

-------------------------

கவிதைகள் 2

மரண கனவை காலால் உதைக்கிறேன்,

எமனின் "அய்யோ" என்று

அலறும் குரல் கேட்கிறது

-------------------------

 இந்தியாவின் கேப்பிடல்  டெல்லி என்கிறது

சிறுவர்களுக்கான வரலாற்று புத்தகம்

அது சுவிஸ் வங்கியில் பதுங்கி இருக்கிறது என

எப்படி சொல்ல?

-------------------------

 யாரையேனும் எப்போதும் நேசிப்பதில்தான்

உயிர்ப்போடு இருப்பதின்

இரகசியம் ஒளிந்திருக்கிறது

-------------------------

 வரும் தேர்தலிலும் போட்டியிட்டு

தோற்று போகும்

-ஜனநாயகம்

-------------------------

 வாழ்ந்த சுவடுகள் ஏதுமின்றி

ஒரே ஒரு நொடியில் கரைந்து போய் விடும்

ஒரு அழகான மரணம் வேண்டும்

ஆசை

-------------------------

 நிம்மதியான இரவு தூக்கத்தின் சாவியை,

இணையம் பறித்துக்கொண்டு விட்டது

 -------------------------

 எனக்கு இழைக்கப்பட்ட துரோகத்திற்கு

இரண்டு காரணங்கள் உண்டு,

ஒன்று என் எதிரி,

இன்னொன்று நான்.

-------------------------

 அன்பும் கருணையும் பிறப்பில்

இயல்பாகவே இருந்ததுதான்...

காலபோக்கில் நாம்தான்

தொலைத்து விடுகிறோம்

-------------------------

காதல் தொடர்கிறது

நன்றி கெட்ட இதயம்...

எத்தனை நாள் ஊட்டி வளர்த்தேன்,

ஒரே ஒரு பார்வையில் அவளிடம்

தாவி விட்டது

-------------------------

 ஆள்காட்டி விரல்

அழகு காட்டி விரலாகி விடுகிறது,

உன்னை காட்டும்போது...

-------------------------

 பயங்கர கொலை ஆயுதங்களின் பட்டியலில்

ஏன்

உன் கொலுசொலி இல்லை?

-------------------------

 தன்னை முற்றிலும் இழந்து விடும் நிலை

ஆன்மீகத்தில் மட்டுமல்ல

காதலிலும் உண்டு

-------------------------

 போதை ஒழிப்பு தினமாம்......

உன் கண்களை என்ன செய்ய

கிராதகி?

-------------------------

 நானும் அவளும் 20 வருடங்கள் சந்தோசமாக வாழ்ந்தோம்...

பிறகு

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

சந்தித்துக்கொண்டோம்

-------------------------

காதல்

எனக்கு பிடித்ததை அவளும்

அவளுக்கு பிடித்ததை

நானும் பேசிக்கொண்டிருந்தோம்,

பிடிக்காதவைகளையும் பேசி இருந்திருக்கலாம்

பிரிய நேர்ந்திருக்காது...

 அவள் என் காதலியாகி

மனைவியாகி விட்ட பிறகு,

"உனக்கு என்ன வரம் வேண்டும் கேள்"

என கடவுளை பார்த்துக்கூட

கேட்டு விடக்கூடும் நான்

-------------------------

 உன்னை விட அழகானது உன் கோபம்,

 என்னை விட பரிதாபமானது என் காதல்

#தபு

-------------------------

 "சுவாதிநட்சத்திரத்தில் பிறந்தவள் நான்" என்றாள்,

நிலவில் பிறந்தவள் என்று நினைத்திருந்தேன்,

அதைதாண்டி

நட்சத்திரத்தில் பிறந்திருக்கிறாள் போலும்

-------------------------

 நீ பேசு இல்லை

உன் அழகு பேசட்டும்

-இருவரும் பேசினால்

நான் எதை கேட்பது

-------------------------

கவிதைகள் 1

எடையைவிட ஒன்றிறண்டு காய்களை

அதிகமாய் தந்துவிட்டு 'குடுக்கிறதை குடு தாயி'

என கையேந்தும் ரோட்டோரக்கடை கிழவிகளுடன்

பேசப்படுகின்றன

பெரும்பேரங்கள்

 காகத்துக்கும் வைத்தால்தான்

சாப்பிடுவேன் என அடம்பிடிக்கிறது குழந்தை,

காகம் குழந்தையிடம்,

தன் பசி பற்றி

சொல்லியிருக்கலாம்!

-------------------------

 தினமும் சிரிக்கும் என் காதலன்

முதன் முதலாக இன்று அழுகிறான்...!

அவன் கண்ணீரை துடைக்க எழ நினைக்கிறேன்

நான் இறந்திருப்பத்தையும் மறந்து...

-------------------------

 பூஜையில் நடுவீட்டில் அருகம்புல் பிடித்து வைத்திருந்த தெய்வமாக கருதிய ஒன்றை

"அய்யே, சாணி"

என்ற வார்த்தையில் நாத்திகம் பேச துவங்குகிறது மழலை

-------------------------

 என்று வாழ்வின் மீது நம்பிக்கை இழக்கிறீர்களோ, அன்றிலிருந்தே

உங்கள் உடலை மட்டுமே

தாங்கியிருக்கும்

இந்த பூமி

-------------------------

அப்பா

 உணர்சிகளை வெளியே காட்ட தெரியா விட்டாலும் அப்பாக்களின் இதயம் துடிப்பது பிள்ளைகளுக்காகவே..... நன்றி அப்பா..

-------------------------

 தாரம் இறந்த பின் வேறு திருமணம் செய்து கொள்ளாமல் தாயாய் உருமாறிய அனைத்து தந்தைகளும் தெய்வங்களே

-------------------------