Saturday, September 10, 2016

OLA / UBER நிறுவனத்துடன் இணையும்போது உங்களால் எவ்வளவு சம்பாதிக்க முடியும்?

இந்த கார் நிறுவனங்கள் தங்களுடன் உங்கள் காரை இணைத்து கொள்ளும் போது 1,00,000 ரூபாய் மாதம் சம்பாதிக்கலாம் என்று சொல்கிறார்கள் உண்மையா?

சற்று விரிவாக பார்ப்போம்....

தினமும் இந்த நிறுவனங்களுக்கு கார்கள் புதிது புதிதாய் இணைந்த வண்ணம் இருக்கின்றன, UBER தனது வாடிக்கையாளர்களை உருவாக்க அல்லது தக்க வைக்க விலையை OLA கார்களின் வாடகை விலையை விட குறைத்து போட்டிக்கு நிற்கிறது,

கார்களின் எண்ணிக்கை அதிகமாக அதிகமாக வாடகை குறைவாகவே வருகிறது என கார்களின் டிரைவர்கள் சொல்வதை நீங்கள் கேட்டு அறியலாம். அடுத்தது நீங்களே ஓனர் எனும்போது ஓரளவு பணம் கிடைக்கும், இருந்தாலும் அவர்கள் குறிப்பிடும் பெரிய தொகை அல்ல.

அதற்க்கு உங்கள் கார் நல்ல மைலேஜ் கொடுக்க வேண்டும், இரண்டு டிரைவர் வைத்து 24 மணி நேரமும் ஓட்ட வேண்டும், வாடிக்கையாளர்களிடம் நல்ல முறையில் பழக வேண்டும், map, navigation பற்றிய போதுமான அறிவு இருக்க வேண்டும், கவனமாக காரை கையாள வேண்டும், மிக முக்கியமாக டீசல் திருடாமல் இருக்க வேண்டும்.

இவை இருந்தால் ஓரளவு வருமானம் வரும் என்றாலும், செலவுகளை கணக்கில் எடுத்து கொண்டால், நீங்களே ஓனர் மற்றும் டிரைவர் என்றால் சம்பளம் மிச்சம், நல்ல டிரைவர் எனில் மாதம் 15000 தர வேண்டும், 10சதவீத கமிசன் நிறுவனங்களுக்கு போகும், டீசல், பராமரிப்பு செலவு, எதிபாராத விபத்து செலவு, காரின் emi, போன்றவை இருக்கும், அதிக பட்சம் மூன்று வருடங்களுக்கு புதிய வாகனம் எனில் ஓட்ட முடியும், அதற்க்கு பின் நிச்சயம் புது கார் வாங்க வேண்டி வரும். இப்போது வியாபார வாகனங்களுக்கான அரசின் கெடுபிடிகளும் அதிகம், வெளி மாநில பயணம் எனில் பர்மிட் எடுத்திருக்க வேண்டும்.

உங்களுக்கு தெரிந்திருக்கும் கடந்த மாதம் இவர்கள் தங்களது இன்சென்ட்டிவ், போனஸ் சரிவர கிடைப்பதில்லை எனவும், மற்ற பல பிரச்சனைகளை முன் வைத்து போராடினார்கள் எனவும், நல்ல இலாபம் எனில் இது போன்ற சம்பவங்கள் இருக்காதல்லவா?

எனது போனில் இரண்டு appகளுமே உண்டு, நான் அதிக முறை பயணம் செய்பவன், "கடந்த ஆறு மாதத்தில், இப்போது எப்படி உணர்கிறீர்கள்?" என்று அவர்களிடம் கேட்ட போது, ஆச்சர்யமான விஷயம் என்னவெனில் ஒருவர் கூட இலாபம் என்றோ  திருப்தி என்றோ சொல்லவில்லை, இவர்களின் தொழில் போட்டியினால் நாளுக்கு நாள் நிலைமை மோசமாகி கொண்டே வருகிறது  என்பதே. அவர்கள் பதில். OLA மற்றும் UBER வாடிக்கையாளர்களை திருப்தி செய்கிறது, தங்களை நம்பி முதலீடு செய்யும் பார்ட்னர்களை அல்ல என்பதே இதன் தெளிவு.